Neien Album “T3000″ + Release Party an der Rockhal

T3000-Affiche1 in Neien Album T3000 + Release Party an der Rockhal

Den T the Boss bréngt Freides den 28. Februar säin Album “T3000″ eraus. Fir dat gebührend ze feieren invitéiert hien op e Concertsowend an de Club vun der Rockhal. Zesumme mam Rebel, dem LeDé, souwéi Freshdax ass en 100 prozentegen Hip-Hop Owend ugesot.
“T3000″ ass dem T säin drëtte Studio Album an ass e Schrëtt a Richtung vu méi erwuessenem an trotzdem technesch a musikalesch komplexem Rap. D’Lidder bestinn aus enger Mëschung aus elektroneschen Hip-Hop Beats op déi de Rapper seng nodenklech bis politesch Lyrics leet an natierlech och klassesche Rap Tracks.

an der Rockhal
Freideg, 28. Februar
Dieren : 20h00
Entrée mat CD : 5.-